Kami rami amat gawai ba Entalau Skrang taun tu. Tema gawai kami taun tu Segulai Sejalai.
Arap ka bala ba rumah panjai tau ulih sama runding, sama penemu, sama segulai dalam ngerja pengawa.
Bala serumah enggau bala pengajar ti kena menantu, anak enggau bala menyadi bisi ngaga Tabung Pendidikan ka Sekula Rendah Nanga Entalau. Tu tabung ketiga udah ditubuh ka ba sekula ketisir ba Sarawak. Duit ti ulih di gumpul bala maya ngetas ranyai RM900/-. YB nambah RM10,000/- lalu bala bisi nambah RM100/- ngambi ka cukup RM11,000/-.
Pengawa baka tu tau di ambi ka contoh bala ba rumah panjai menua bukai awak ka bala nembiak ti nadai pemisi tau bulih penguntung ari tulung ti tau diberi ngena Tabung Pendidikan tu.
No comments:
Post a Comment