Anembiak ti tercicir ari sekula.
Newspaper 4th Dec 2009, bisi nyebut pasal Kementerian Pelajaran ka mansik nama kebuah sida anembiak tercicir ari sekula. Nya endang sigi manah enti bisi urang ka ngepun serta mansik utainya. Tang diatu aku ka nusi utai ti amat nyadi ba menua kitai, nama kebuah anembiak sekula mayuh tercicir ari sekula :
1. Keran ka belaki/bebini.
Bisi indu tu baru umur 14 taun udah nadai sekula laban iya tetemu ka urang laki ti dua kali ganda umur iya lalu ka nyadi bini iya. Enda sampai 6 bulan nyadi melaki bini lalu sarak. Nama untung kitai lebih-lebih agi indunya laban pemandai nadai, naka form satu aja. Diatu supermarket pan paling kurang Form 5 baru di perening urang. Nya alai panjai ka runding kitai sebedau kitai ka belaki laban sida laki enda pedis enti sida iya muai kitai indu. Tang iya ti pedis kitai indu tambah agi enti bisi anak.
2. Nadai runding ka belajar.
Nyepi pedis maya belajar, nadai endur betanya, apai indai enda ga nemu ABC. Tuboh ba sekula tang runding sidak ke bukai. Ngujung ka sida iya enda ulih belajar. Mayuh anembiak ti baka tu.
3. Nadai duit kena sekula.
Bendar ngenat ka perut lapar. Pemakai ba sekula nadai ga mayuh diberi sida indai sekula. Ka meli pemakai diri empu nadai ga duit. Ujung- ujung pulai ka menua becucuk tanam enggau apai indai nyamai agi.
4. Ka ngasai ka bulih duit.
Laban ka ati nadai ba belajar, dia di sida nguji ngiga pengawa ba kedai kopi, nyuchi capak, ngaga ai, kerja mekanik, general worker. Maya bulih gaji, rindu ati sida. Tang sida enda berunding duit ti bulih kerja bakanya enda mayuh. Bedau datai setengah bulan udah abis dibelanja.
5. Pengaruh Ari Kawan
Bisi bala nembiak ngembuan pangan/kaling ti enda manah. Sida tu mayuh meri pengaruh ti jai baka ngencuri, ngerogol indu, ngachau pengidup urang bukai, lari ari sekula, nadai ka belajar, enda bebasa ka apai indai serta belayak enggau bala menyadi.

6. Pengaruh Ari Internet/TV
Dunya ka ari tu ti mansang ari segi penemu ti enda bebatas (globalisation). Dia di mayuh bala nembiak sekula salah guna internet. Sepatut iya sida guna internet kena ngiga bahan rujukan sekula tang mayuh agi ka ngena internet kena main game, bejudi, meda gambar orang telanjai enggau mayuh pengawa ti enda mai pemansang pengidup ba sida nembiak sekula.
7. Dadah
Diatu dadah tu tau dibeli bala nembiak sekula barang endor , enda ngira tempat enggau maya. Enda sida iya bulih dadah, gam ga insap sida iya. Utai tu ukai baru nyadi lima, enam taun ka dulu tang ari kelia menya, penyakit dadah tu nadai kala ulih dipunas ka menua kitai.
Arap ka bala ti ba kementerian pelajaran tau mantau utai ka disebut diatasnya. Laban enti enda dipantau, makin sari makin mayuh nembiak sekula tercicir ari ngembuan pelajar ti tinggi. Nembiak maya ari tu jauh dah berubah ari nembiak 20 tahun ti udah. Kelia nyepi pengidup ti tusah, bebendar kitai belajar ngambi ka ulih ngubah pengidup kitai sebilik. Enti enda pandai serta bulih sijil ba jari malu kitai ka angkat ari rumah apai indai (If you ever decide to leave your parents home, leave with your dignity intact) . Tang diatu, nembiak maya ari tu angkat ari rumah apai indai pan enda madah anang ka agi ka bulih pemandai ti tinggi (turun enda betangga - sempama tu diatu ukai mina ulih kena madah ka urang ti ka belaki/bebini nadai madah aja tang tau kena describe nembiak ka maya ari).