Anembiak kitai Iban

Amai tekenyit aku meda indu ti nganti aku ba mua pintunya....Aku ngumbai sida iya datai ka komplen pasal bala pekerja aku. Nemunya ka minta gawa ba kompeni. Aku pan baru teringat opis ba Kuching bisi mansut ka pengerah pengawa puang nyadi “Safety & Health Officer” enggau “Accountant”. Siko indunya lalu madah ka apply ka “Safety and Health Officer”. Aku lalu nanya, “Nuan bisi certificate “Safety and Health Officer” tauka kumbai sida iya “green book”? “Nama utainya?”, ko indunya nyaut aku. Aku lalu nanya iya baru “Nuan nemu nama reti “Saftey Officer” tauka pengawa nyadi “Safety Officer”? “Enda nemu” saut iya. Apuuuuuuuuuu..........................
Bakanya bunyi anembiak ti di interview aku. Utai ti ka dikenang aku ditu ianya pasal bala kitai nembiak Iban ti datai interview. Balat amat nadai runding :
1. Baju ti kena seduai datai interview - baju T-shirt enggau tanchut naka patung. Enti sekali peda baka urang ti minta gawa nyadi “cleaner”.
2. Nadai meresa enggau silik nama batang pengawa ti ka di pinta. Kumbai sida iya cukup ngena SPM aja kena minta pengawa.
Tang aku respect seduai iya laban berani nguji taja seduai iya muai masa aja. Ditu aku ka ngenang ka ulah anembiak kitai Iban ba dalam ngiga pengawa :
1. Anembiak kitai Iban enda nemu ngemeran ka maya datai “interview” enggau maya start gawa. Terubah datai minta nyadi welder. Jadi dipinta mai welding certificate iya pagilak. Datai pagilak, anti datai enda datai. Udahnya bisi nembiak bukai datai interview, taja pan enda expert ba welding tang ulih ga kena. Disuruh datai seminggu da agi lalu start gawa. Udah seminggu mansa, anti datai enda datai, telepon ngagai iya madah ka diri agi nganti bala ngambi iya ba menua???????? Udah dipadah start gawa seminggu da agi, nama main enda datai tumu agi? Kira ka udah 3 ari dah nya, datai baru ga nembiak ka terubah tadi, nanya ka pengawa “welder” nya baru. Aku pun madah, kami udah bulih urang, ni kami ka ngambi nuan agi! “Nuan disuruh mai certificate datai ari siti lalu nadai terpeda ka mua nuan agi, kati kami enda ngambi urang bukai deh?”. Enda bebunyi anembiaknya lalu pulai. Amat nyelai ati aku meda perangai anembiak kitai Iban ngiga pengawa. Kumbai sida iya mina sida siku aja minta pengawa pia? Berintai urang ti nadai pengawa diatu, sapa dulu iya meh bulih. Masa amat berat ba runding kami ti megai pengawa. Tang aku merati ka nembiak diatu, nadai ngemeran ka masa. Enti saritu start gawa, saritu ga baru bekejang ari rumah panjai, saritu ga ngankut sida tilam....Nama reti kitai bakanya?
2. Anembiak kitai Iban ti udah bulih pengawa.....saritu datai pagila lesap! Bila ditanya, madah pulai ka menua, bini sakit. Tang ba runding aku sida iya enda tan gawa pedis baruh panas tiap hari. Ba rumah panjai sida iya kelalu nyamai, turun ari rumah lalu ngiting midin, bulih tubu, nginti ikan bisi ga utai ka diempa. Nya alai pedis mimit sida lalu engai gawa. Kati kitai ka gubah runding sida ti baka tu?? Enti majak baka tu runding sida iya, dudi ari bansa bukai baka sida Indonesia, Myammar, Bangladesh menuh ka pengawa ti berat-berat ba menua kitai. Sapa ti ka dianu kitai enti dudi ari menua kitai dipegai bansa bukai?????? Salah kitai empu ti nguan menua, belajar pandai enggai, gawa pedis enggai, nama utai ti diulih, nambah ka amak menua aja.
Kitai Iban laban ka cukup nelap enda mudah ka nganu sidak iya. Tang ti kena ka bala sida boss bansa bukai, pedis pending sida iya kena sembur jako jai. Tu amat nyadi, puas aku meda sida kena anuk tang bala anembiak kitai Iban ta enda mereti. Sorry ti jaku aku bisi kasar di dinga. Arap ka bala anembiak kitai Iban tau ngubah runding sidak ngambi ka menua kitai dudi ari enda labuh ngagai jari urang ari menua bukai serta kitai Iban enda tinggal arus pemansang.